حصل تحيا مصر  نص تحقيقات النيابة العامة في القضية رقم 7677 لسنة 2024 إداري أول أكتوبر، المقامة من أمير توفيق مدير التعاقدات السابق في النادي الأهلي والمدير التنفيذي الحالي لشركة الكرة بالنادي، بسبب تصريحات أحمد قندوسي حول التعاقدات.

وينشر تحيا مصر نص التحقيقات مع أمير توفيق مدير التعاقدات السابق بالنادي الأهلي

وقال أمير توفيق كالتالي: «اللي حصل إنه بداية الموضوع ظهر اللاعب أحمد قندوسي بتاريخ 2024/10/4 على قناة أون تايم سبورت والمذيع سأله عن اللاعب زين بالعيد إنه مجاش الأهلي ليه، رد عليه وقاله ازاي أنا أقوله ميجيش الأهلي زي ما الشائعات قالت وساعتها المذيع قاله هو كلمك؟».

وتابع أمير توفيق: « كان رد قندوسي أنا مع اللاعب زين بالعيد في المعسكر بتاع المنتخب وفي حاجات بتطلع واحنا في المعسكر واحنا بنبص عليها، وبنضحك فهو لو كده ليه مجاش وهو مجاش عشان خاطر الوكلاء، وقال زين بالعيد مجاش الأهلي فالمذيع سأله تاني ليه مجاش فقندوسي رد عليه ما هو بسبب الوكلاء لأنه هو عنده وكيله مينفعش يتخلى عنه فالمذيع رد عليه قاله أنا مش فاهم حاجة، وقاله قندوسي احنا كجزائريين وكيلي مينفعش نخسره عشان ده جايبلي التسويق إنت وكيلي من أول لحظة يبقي هتكمل معايا الاخر لحظة».

وأكمل توفيق أمام رجال التحقيق: «المذيع قاله صفقة زين الدين بالعيد متمتش بسبب وكلاء فاللاعب أحمد قندوسي رد عليه قاله باظت بسبب الوكلاء، والمذيع سأله ازاي رد عليه وقاله كل كلام اللي بيطلع في الميديا كدب والمذيع قاله بجد والله فرد عليه وقاله كدب كدب مفيش حد عنده الحق وعنده الصح عنده الحقيقة كل اللي اتقال كله كذب».

وأضاف توفيق: «المذيع رد عليه انت قولنا إيه الصح فـ أحمد قندوسي قال ما هو باظ عشان الوكلاء وقاله زين الدين بالعيد بنسبة 70% كان بالأهلي فالمذيع سأله علي عدم انتقاله للاهلي فرد عليه وقاله بطريقة ساخرة الله أعلم بس الناس عشان يدخل نادي الأهلي لازم يدخل مع فولان لازم يجي مش عارف مستر إكس فالمذيع رد عليه قاله بس الكلام ده خطير يا أحمد».

وتابع توفيق: «القندوسي في حديثه مع المذيع قال إن وكيل اللاعب زين الدين مش هيدخل معاه النادي الأهلي وهيدخل مع وكلاء تانيين، واحنا الجزائريين ميقدرش حد يجبرنا على حاجة، وفؤجتنا بحديث من المشكو في حقه الثاني وكيل القندوسي نصر يحي نصر صالح على قناة إم بي سي مصر».