كشفت الممثلة المصرية مي يالغيطي عن تعرضها لحادث كبير منذ حوالي الـ 7 أشهر عندما كانت في بالي، أدى إلى إصابتها بكسر في الحوض وإصابة في العمود الفقري ونزيف داخلي.

وشاركت مي الغيطي الجمهور مجموعة صور ومقاطع فيديو وثقت إصابتها، وعلقت: "في ناس كثيرة بتسألني أنا كنت مختفيه ليه ..
من ٧ شهور كنت في حادثة حصلت في تايلاند، اتخبطت بعربية نقل في العربيه اللي كنت فيها، و اتصبت إصابات بالغة. حصلي كسر في حوضي، و إصابة في العمود الفقري، وكان عندي إصابات داخلية و نزيف داخلي وتلف في الأعصاب في رجلي. قعدت في المستشفى أسابيع في تايلاند و رجعت مصر علشان أكون مع أهلي وأتعالج وسط دعمهم.
مكنتش حابة أشارك اللي حصل وقتها، كنت محتاجة وقت أتعافى بعيد عن أي ضغط.
بعد علاج طبيعي فتره و كل شوية نكتشف حاجة جديدة انا دلوقتي احسن بكتير جدا الحمدلله و دي حاجة محدش كان متخيلها بعد فتره نسبياً قليلة:)
حاسة إني كنت عايزة أشارك ده دلوقتي عشان اقول ان الجسم عنده قدرة رهيبة على الشفاء.. أقوى بكتير مما نتخيل و ان التعافي بياخد وقت، بس بييجي. لو إنت بتمر بوقت صعب،
ارجوك كون صبور مع نفسك عشان عدم فقدانك إيمانك انك هتكون احسن بجد بيفرق في قدرتنا على تحمل الصعاب.